Эмнести интэрнэшнл дэлхийн 7сая гаруй хүнийг эгнээндээ нэгтгэсэн хүний эрхийн хамгаалагчдын хөдөлгөөн юм.Монголд 5000 гаруй гишүүд, дэмжигчидтэй бөгөөд Баян-Өлгий, Завхан, Хөвсгөл, Архангай, Орхон, Дархан-Уул, Хэнтий, Сүхбаатар, Багануур зэрэг улсын өнцөг бүлэн бүрт үйл ажиллагаа явуулдаг. Монголын Эмнести Интернэшнлийн гишүүд эрсдэлд буй хувь хүмүүсийг хамгаалах захидал уриалгад гарын үсэг зурахаас эхлээд, үйл ажиллагаа зохион байгуулахад дэмжлэг үзүүлж ажилладаг.

Эмнести Интернэшнл нь засгийн газар, улс төрийн үзэл суртал, эдийн засгийн ашиг сонирхол, шашин шүтлэгээс бүрэн хараат бус бие даасан байгууллага юм. Бид засгийн газар,улс төрийн намаас санхүүжилт авдаггүй.

Бид аль нэг талыг барьдаггүй, засгийн газрын бодлого, сөрөг хүчнийхэн, хувь хүний итгэл үнэмшлээс үл хамааран бүх тохиолдолд зөвхөн хүний эрхийг хамгаалдаг.

Бидний санхүүжилт дэлхий өнцөг булан бүр дэх эгэл жирийн гишүүд дэмжигчдээс бүрддэг. Засгийн газар болон улс төрийн намын санхүүжилтийг хүлээн авдаггүй. Сайтар судалж байж бизнес эрхлэгчдээс дэмжлэг авдаг.

Ингэснээр аливаа засгийн газар,улс төрийн үзэл бодол,эдийн засгийн ашиг сонирхол, шашин шүтлэгээс үл хамааран бие даасан байдлаа хадгалж үйл ажиллагаагаа явуулдаг.

Манай гол судалгаа Олон Улсын Нарийн Бичгийн Дарга нарын Газраас хийгддэг. Бид тодорхой бүс нутаг болон асуудлуудад анхаарлаа хандуулж олон улсын судалгааны багуудыг байршуулж ажилладаг.

Манай мэдээллийн эх сурвалжууд дүрвэгсэд тэдний өмгөөлөгчид болон дипломат ажилтнууд ба шашны байгууллагууд бусад хүний эрхийг хамгаалагч болон олон мянган хэвлэл мэдээллийн хэрэгсэл юм.

Бид улс төрийн сорилтыг ажиглах, хоригдлуудыг эмчлүүлэх, хохирогч болон гэр бүлийнхэнтэй нь ярилцах зорилгоор шинжээчдээ илгээдэг.

Бидний гаргасан мэдэгдэл,нийтлэл,тайлан нягт нямбай хянагддаг.Энэ нь биднийг үнэн зөв,улс төрийн хувьд хараат бус ,бидний эрхэм зорилго,алсын хараа,үнэ цэнд нийцсэн болохыг баталгаажуулдаг. Бид маргаантай үндэслэлгүй баримтыг бус өөрсдийн олж мэдсэн зүйлээ тодорхой болгон мөрдөн шалгадаг.Хэрэв алдаа гарсан тохиолдолд засаж залруулах болно.

Бидний судалгаа нь дэлхий дахинд танигдан хүлээн зөвшөөрөгдсөн ба засгийн газар,сэтгүүлч,эрдэмтэд,бусад хүний эрхийг хамгаалагч байгууллагуудтай зөвлөлддөг.

Бид дэлхий өнцөг булан бүрд буй эрсдэлд буй хувь хүмүүсийг хамгаалж ажиллахын зэрэгцээ Монгол улсад хүний эрхийг хамгаалахын төлөө тасралтгүй үйл ажиллагаа өрнүүлсээр байна.

Бид хүний эрхийн соёл, боловсролыг түгээн дэлгэрүүлэх, хүний эрх хамгаалагчдыг дэмжих, чадваржуулах, аюул эрсдэлгүй нөхцөлд ажил хөдөлмөрөө эрхлэх нөхцөлийг бий болгох хууль эрх зүйн орчныг сайжруулах чиглэлээр ажиллаж байна.

Бид эрүүдэн шүүх, хүнлэг бус харьцахтай тэмцэж ажилладаг. Монголын Эмнести Интернэшнлийн олон жилийн тэмцлийн үр дүнд Монгол улс цаазаар авах ялыг бүрэн халаад байна.

Бид хот дахин төлөвлөлтийн алдаатай бодлогын улмаас хохирсон болон хохирох эрсдэл бүхий хүмүүсийн төлөө Шаардлагад нийцсэн орон байртай байх эрхийн кампанит ажлыг өрнүүлэн ажиллаж байна.
Бид иргэний нийгмийн болон хүний эрхийн бусад байгууллагатай түншлэн хүний эрхийг хамгаалах чиглэлээр илүү өргөн цар хүрээтэй ажиллаж байна.

Эмнести Интернэшнл нь ардчилсан, гишүүдэд суурилсан хөдөлгөөн. Бид хоёр жил тутам бүх гишүүд, бүлгүүдийн төлөөллийг оролцуулсан “Ерөнхий чуулган”-ыг зохион байгуулж байгууллагын бодлого, дүрэм, үйл ажиллагааны чиглэл гишүүдийг төлөөлөн удирдах зөвлөлийг сонгож ажилладаг.

Хэрвээ бид тухайн оронд албан ёсоор нэвтэрч чадахгүй бол бидний судалгааны баг мэдээллийн гадаад эх сурвалж буюу хэвлэл мэдээлэл, мэргэжилтнүүд, дүрвэгч, дипломат төлөөлөгч, хүний эрхийг хамгаалагчдын эх сурвалжийг ашигладаг. Зарим улс оронд бид шинэ технологи ашигладаг. Жишээлбэл хиймэл дагуулын зургийг ашиглан өөрсдийн мэдээллийг бататгадаг. Хаалттай улс орны талаар ямар ч бидний эх сурвалж үргэлж найдвартай байдаг.