Эмнести Интернэшлийн бүлгүүд
Монголын Эмнести Интернэшнл нь байгуулагдсан цагаасаа эхлэн өнөөг хүртэл орон даяар хүний эрх хамгаалагч 5000 гаруй гишүүд дэмжигчидтэй болсон. Гишүүд дэмжигчид бүлэгт хуваагдан үйл ажиллагаанд оролцдог. Бүлэг тус бүр хариуцсан ахлагчтай бөгөөд бүлгийн хурал уулзалт тогтмол зохион байгуулж гишүүдээ үйл ажиллагаанд татан оролцуулдаг. Бүх гишүүдийн уулзалтыг жилд 4-н удаа бөгөөд улиралд нэг удаа зохион байгуулагддаг.
Одоогоор 21-н бүлэгтэйгээр үйл ажиллагаагаа явуулж байна. Мөн түүнчлэн хөдөө орон нутагт, ЕБС, Их дээд сургууль дээр бүлэг, клуб байгуулан ажиллах боломжтой.
Өөрсдийн үзэл бодлоо чөлөөтэй илэрхийлж хүний эрхийн төлөө дуугарч чаддаг зоригтон манлайлагчид аль ч нийгмийн хөдөлгөгч хүч болж байдаг билээ.
Бид бүх төвшинд залуучуудын манлайллыг дэмжин ажиллахдаа баяртай байдаг бөгөөд дэлхий дахины хүний эрхийг хамгаалах үйлсэд илүү олон залуусыг эгнээндээ нэгтгэн ажиллах нь бидний зорилт юм. Нийгэмдээ өөрсдийн хувь нэмрээ оруулан илүү хүнлэг, хүний эрхийг дээдэлсэн нийгмийг бүтээхийн төлөө өөрсдийн хувь нэмрийг оруулж буй 3000 гаруй залуусыг эгнээндээ нэгтгэж чадсан. Цаашид энэхүү тоогоо ахиулан ажиллана. Хэрэв та нийгэмдээ идэвхтэй манлайлагч байж хүний эрх хамгаалагч зоригтон болохыг хүсэж байвал бидэнтэй нэгдээрэй бидний хаалга үргэлж нээлттэй. Манай залуусын халуун дулаан бөгөөд хөгжилтэй найрсаг хамт олон таныг хүлээж байна.
Манай залуус: Залуучуудын бүлэг, Оюутны бүлэг, Сурагчдын бүлгүүдтэй.
Хүний эрхийг хамгаалах үйлсэд нас хүйс мэргэжил сонирхлоос үл хамааран бидэнтэй нэгдэх боломжтой бөгөөд бид дэлхий дахины жирийн иргэдийн хөдөлгөөн юм. Мөн өөрийн мэргэжил сонирхолоороо аль нэг бүлэгт харьяалагдах боломжтой бөгөөд тус бүр бүлэг хариуцсан ахлагчтай. Мөн гишүүддээ зориулан үйл ажиллагаа явуулж бүлгийн хурал уулзалт зохион байгуулдаг.
Мэрэгжил сонирхлын бүлэгт:
4. Багш 9. Эмч
5. Хуульч 10. Урлаг
6. Сэтгүүлч 11. Чөлөөт
7. Эрэгтэйчүүд 12. Сан аривжуулалт
8. Эмэгтэйчүүд 13. Үйлдвэрчний эвлэл
Монголын Эмнести Интернэшнл нь Монгол орны өнцөг булан бүрд хүний эрхийн боловсролыг түгээн дэлгэрүүлж иргэдийг үйл ажиллагаандаа нэгтгэхийг эрмэлзэн ажилладаг бөгөөд өнөөгийн байдлаар хөдөө орон нутгийн 8 н аймагт идэвхтэй бүлэгтэй. Цаашид энэхүү тоог өсгөн илүү олон аймаг, сумд хүрч ажиллах нь бидний зорилго юм. Орон нутагтаа хүний эрхийг хамгаалах хүний эрхийн боловсролыг түгээн дэлгэрүүлэх чиглэлээр үйл ажиллагаа явуулахыг хүсдэг бол бидэнтэй нэгдэн ажиллахад бид хэзээд нээлттэй байх болно.
Хөдөө орон нутгийн бүлэгт:
14. Дархан 18. Архангай
15. Багануур 19. Хэнтий
16. Хөвсгөл 20. Сүхбаатар
17. Завхан 21. Эрдэнэт
Орон нутагт дараах үйл ажиллагааг явуулан хамтран ажилладаг:
- Хүний эрхийн боловсрол кампанит ажлын хүрээнд жил бүр орон даяар Ерөнхий боловсролын сургуулиудын сурагчдын дунд “Эрхээ мэдье” мэтгэлцээний тэмцээн. /17 дахь жилдээ зохион байгуулаад байна./
- Хөдөө орон нутгийн бүлгүүдэд онлайнаар шинэ гишүүний сургалт мөн бусад чадавхжуулах сургалтуудыг явуулах, /ХЭБ, ЦАЯЭ КА, ОББЭ КА, ЭБХХ КА/
- Орон нутгийн цахим идэвхтэнүүд бэлтгэх
- Хүний эрхийн кино хэлэлцүүлгүүд зохион байгуулах
- Орон нутагт гишүүн өргөжүүлэх үйл ажиллагаа явуулах
- Эрсдэлд буй хувь хүн кампанит ажлын хүрээнд “Эрхийнхээ төлөө бичицгээе” захидал уриалгийн марафоныг орон даяар явуулан олон мянган хүмүүсийн захидал, гарын үсгийг цуглуулж дэлхий дахины хүний эрхийг хамгаалах үйлсэд нэгтгэн ажиллах.
- Мөн орон нутгийн манлайлагчдыг бодлогын төвшинд манлайлах боломжийг олгон бүх талаар нь дэмжин ажиллаж байна.
- Улаанбаатарт зохион байгуулагдах бусад хурал уулзалтад хамрагдуулан хөдөө орон нутгийн манлайлагчдыг чадавхжуулах сургалт, уулзалтуудыг зохион байгуулдаг.
- Шинээр бүлэг байгуулан ажиллах боломжтой. /Хэрэв та орон нутагтаа бүлэг байгуулах сонирхолтой бол бидэндтэй холбогдоно уу! /
Гишүүд, идэвхжил
Эрх, эрх чөлөөний жигүүрээ дэлгэ аяныг танилцуулж байна.
