ЭМНЕСТИ ИНТЕРНЭШНЛ - ХЭВЛЭЛИЙН МЭДЭЭ

Төр, зэвсэгт бүлэглэлийн үйлдэж буй харгислал, хэрцгийллийн эсрэг авч буй дэлхийн арга хэмжээ ичгүүртэй хийгээд үр дүнгүй байна
Эмнести Интернэшнл дэлхийн 160 орны 2014 оны хүний эрхийн төлөв байдлыг тусгасан, 2015 оны хүний эрхийн хандлагыг тодорхойлсон тайлан гаргалаа.
“2014 он олон сая хүний хувьд хүчирхийлэлд нэрвэгдсэн аймшигт жил байлаа. Төрийн болоод зэвсэгт бүлэглэлүүдийн үйлдсэн зөрчил, мөргөлдөөний эсрэг авч буй даян дэлхийн арга хэмжээ ичгүүртэй хийгээд үр дүнгүй байна. Иргэд харгис халдлага, дарамт шахалт, хямралд нэрвэгдээд байхад олон улсын хамтын нийгэмлэг анхаарал хандуулахгүй байна” хэмээн Эмнести Интернэшнлийн Ерөнхий Нарийн Бичгийн Дарга Салил Шетти өгүүлэв.
Мөргөлдөөний эсрэг авч буй олон улсын арга хэмжээг үндсээр нь өөрчлөхгүй л бол хүмүүнлэгийн хямрал, зэвсэгт бүлэглэлүүдийн үйлдэж буй зөрчил, үзэл бодлоо чөлөөтэй илэрхийлэхийн эсрэг хийж буй халдлагуудад энгийн иргэд олноор өртөх эрсдэлтэй байгааг Эмнести Интернэшнл анхааруулж байна.
Эмнести Интернэшнл дэлхий даяарх хүний эрхийн төлөв байдалд хийсэн үнэлгээндээ үндэслэн дэлхийн удирдагчдыг Засгийн газар, зэвсэгт бүлэглэлүүдээс явуулж байгаа хэрцгий хүчирхийллээс иргэдийг хамгаалах, мөргөлдөөний өөрчлөгдөж буй байдалтай тэмцэх арга хэмжээ яаралтай авахыг шаардлаа.
Улам бүр төрхөө өөрчилж буй мөргөлдөөнийг олон улсын нийгэмлэгүүд зохицуулж чадахгүй байгаагийн эмгэнэлт нэгэн үр дагавар бол дүрвэгсдийн асуудал бөгөөд олон сая, тэр дундаа Сирийн 4 сая дүрвэгч хүчирхийлэл, хавчлагад нэрвэгдсээр буй явдал юм.
Хамгийн багадаа 35 оронд буюу 5 улс тутмын нэгд нь зэвсэгт бүлэглэлүүд хүчирхийлэл үйлдсэнийг Эмнести Интернэшнл тогтоолоо. 2014 онд цуст дэглэм бүхий улс орнууд руу зэвсгийг олноор нийлүүлснээс үүдэж зэвсэгт бүлэглэлүүд, засгийн газрууд аймшигт зөрчлийг үйлдэн олон мянган хүний амийг хөнөөсөн юм. Эмнести Интернэшнл болон бусад байгууллагуудын олон жилийн кампанит ажлын үр дүнд өнгөрсөн жил хүчин төгөлдөр болсон Зэвсгийн Худалдааны Гэрээнд нэгдэж, соёрхон батлахыг дэлхийн бүх улс орнуудад уриалж байна.
Аюулгүй байдалд заналхийлэхийн эсрэг авч буй Засгийн газруудын хариу арга хэмжээ нь хүчирхийллийг дэвэргэхгүй, хүний суурь эрхийг уландаа гишгэхгүй байхыг Эмнести Интернэшнл уриаллаа.
Тайланд 2014 онд хичнээн засгийн газар аюулгүй байдлын төлөө нэрийн дор дарангуйллын болон хахир арга хэрэглэснийг тусгасан.
“Дэлхийн II дайны үеийнх шиг аймшигт явдлыг дахин үзэхгүй байхыг баталгаажуулахын тулд 70 жилийн өмнө НҮБ байгуулагдаж байсан. Одоо үлэмж их дүрвэгсдийн хямрал, олныг хамарсан хүчирхийллийг бид харж байна. Өдгөө цаг хугацаа биднийг шахамдуулж байхад үр дүнтэй шийдлүүдийг олж чадахгүй байсаар байна.
Дэлхийн удирдагчид яаралтай арга хэмжээ авахгүй бол ирэх жил ч мөн хүний эрхийн төлөв байдал тун баргар байхаар байна.
Монгол улсад цагдан саатуулах газарт эрүүдэн шүүх болон зүй бус харьцаа өргөн тархаж, албадан нүүлгэлт үргэлжилсээр, хөгжлийн бэрхшээл, бэлгийн чиг баримжаа, жендэрт суурилсан алагчлал байсаар байгаа болон “Non-refoulement” зарчмыг зөрчин орогнол эрэгчдийг хүний эрхийн ноцтой зөрчилд өртөх эрсдэлтэй улсад албадан буцаасан тухай уг тайланд дурджээ.

Монгол улс

Тоо баримт

****************************************
Дэлгэрэнгүй мэдээлэл авахыг хүсвэл Английн Лондон хот дахь төв байгууллага, ОУНБДГ руу холбогдоно уу.
+44 20 7413 5566 or +44 (0)77 7847 2126
email: press@amnesty.org
twitter: @amnestypress
International Secretariat, Amnesty International, 1 Easton St., London WC1X 0DW, UK

Panic button
Эмнести Интернэшнл Хүний эрхийн хамгаалагчдын аюулгүй байдлыг хангаж Panic button гэх байршил тогтоогч программ гаргасан. МЭИ нь энэхүү програмыг гишүүд, дэмжигч нарт танилцуулан, хэрхэн гар утсандаа суулгаж ашиглах талаарх зааварчилгааг өглөө.
Эхийн эндэгдэл ихсэж буй шалтгаан нь ядуурал гэдэгтэй та санал нийлж байна уу?
Тийм
Үгүй
Мэдэхгүй
Саналаа өгөх

Хүний эрхэд ээлтэй сургууль

Эмнести Интернэшнлийн сургуулиудад хэрэгжүүлж буй анхны хүний эрхийн боловсролын хөтөлбөр

Цаазаар авах ялын эсрэг

Хятад, Иран, АНУ зэрэг 68 орон цаазаар авах ялыг хэрэглэсээр ...

Хүнийг хүндэл

Хүний эрхийг хамгаалахын төлөө нэгдэцгээе!

Эрүүдэн шүүхийн эсрэг

Хорих, урьдчилан хорих газруудад эрүүдэн шүүх явдал гаргуулахгүй байхад хөндлөнгийн ...

Хүний эрхийн боловсрол

Хүний эрхийг хүндэтгэн биелүүлэх хөдөлгөөн газар сайгүй өрнөсөн өнөө үед хүний ...
Та манай 561974 дахь зочин боллоо.