“САРНАЙН ӨДӨР” ҮЙЛ АЖИЛЛАГАА ЯВАГДЛАА

Монголын Эмнести Интернэшнл байгууллагын Эмэгтэйчүүдийн бүлэг “Эмэгтэйчүүдийн эсрэг хүчирхийллийг таслан зогсооё” кампанит ажлын хүрээнд 5 дугаар сарын 16-ны өдөр “Сарнайн өдөр” үйл ажиллагааг зохион явууллаа.

Энэ өдрийн үйл ажиллагаа нь “Эмэгтэйчүүдийн эсрэг хүчирхийллийг таслан зогсооё” кампанит ажлыг сурталчлах, эмэгтэйчүүдийн эсрэг хүчирхийллийн хор уршгийг нийтэд ойлгуулах, дэлхий дээр эрх нь зөрчигдөж буй эмэгтэйчүүдийн төлөө гарын үсэг цуглуулах зорилготой байсан юм.

Улаан сарнай нь хүнийг, тэр тусмаа хүчирхийллийн бай болж хохирч байдаг эмэгтэйчүүдийг төлөөлсөн бөгөөд харин эрвээхэй нь хүний эрхийг дүрсэлсэн юм. Учир нь Эмнести Интернэшнлийн билэгдэл өнгө нь аюулгүй тайваныг илэрхийлсэн шар өнгө байдаг. Улаахан сарнайд суусан эрвээхэй нь эмэгтэйчүүд төдийгүй хүмүүс өөрсдөд нь эрх бий шүү гэдгийг сануулсан утгатай билээ.

Тус өдөрлөгийг МУИС-ын II байрны өмнө зохион байгуулсан бөгөөд уг үйл ажиллагаанд Эмэгтэйчүүд, залуучуудын бүлгийн идэвхтэн гишүүд оролцлоо. Өдөрлөгийн үеэр “ Хэн хүний эрхийн төлөө шилдэг уриа бичих вэ?” граффити бичлэгийн уралдаан зохиогдсон. Энэ уралдаанд ШУТИС-ийн Үйлдвэр Дизайны сургуулийн 3 дугаар курсийн оюутны “Юнайт 5” багийнхан амжилттай оролцсон юм.

Гэр бүлийн хүчирхийлэлд өртөж зовж буй эмэгтэйчүүдийн төлөө Армян, Венесуэл улсын эрх баригчдад хандсан захидалд 564 гарын үсэг цуглууллаа. Энэ үеэр 450 төгрөгийн сан арвижуулалт хийгдлээ.

Уг өдөрлөгийн үйл ажиллагааг Зууны мэдээ, Монголын мэдээ, МҮОНТ, SBN телевиз сурвалжлан нэвтрүүллээ.

Panic button
Эмнести Интернэшнл Хүний эрхийн хамгаалагчдын аюулгүй байдлыг хангаж Panic button гэх байршил тогтоогч программ гаргасан. МЭИ нь энэхүү програмыг гишүүд, дэмжигч нарт танилцуулан, хэрхэн гар утсандаа суулгаж ашиглах талаарх зааварчилгааг өглөө.

Хүний эрхэд ээлтэй сургууль

Эмнести Интернэшнлийн сургуулиудад хэрэгжүүлж буй анхны хүний эрхийн боловсролын хөтөлбөр

Цаазаар авах ялын эсрэг

Хятад, Иран, АНУ зэрэг 68 орон цаазаар авах ялыг хэрэглэсээр ...

Хүнийг хүндэл

Хүний эрхийг хамгаалахын төлөө нэгдэцгээе!

Эрүүдэн шүүхийн эсрэг

Хорих, урьдчилан хорих газруудад эрүүдэн шүүх явдал гаргуулахгүй байхад хөндлөнгийн ...

Хүний эрхийн боловсрол

Хүний эрхийг хүндэтгэн биелүүлэх хөдөлгөөн газар сайгүй өрнөсөн өнөө үед хүний ...
Та манай 670007 дахь зочин боллоо.